部分4（1/2）

（二十一）

换完边，换番我发球，我决定加啲上旋，球速虽然慢咗，但变得无咁好救，而好明显，kenny唔太适应接呢啲加左spin ge波，好快我就顺利保住发球局，终于破蛋，一比三。

换番kenny发球，可能係因为佢面向阳光受到影响，连开左两球double faults，而我见佢唔係好惯接上旋波，所以每球回球都落spin，而佢好快就俾我破左呢个发球局。

而最后，我就係凭住佢对上下旋波的唔适应，搞到佢越打越颓，最后佢再无攞任何一局，以三比六输咗。

我﹕哈哈，仲话要我食蛋，而家好似係你吞左个隐形六比零喎！

kenny﹕你出术啰！你成日打spin ball，你明明又无教过我点打！你胜之不武啰！头先果场唔算，再打多场呀！

我﹕有人发穷恶呀！

kenny﹕咁头先我地无讲係一盘过呀麻！

我﹕顶小学鸡咩，咁都唔认输。

kenny﹕打多盘啦，仲有成粒钟！

我﹕好啦好啦！怕左你啦！

kenny﹕不过你下一盘唔準再打spin波呀！

我﹕吓！边度有得限制对手打咩波架。

kenny﹕总之我唔理，係你之前无教我。

我﹕好啦！不过我一局唔让你咁多分啦，每局15-0开始好啦。

kenny﹕好啦！不过如果你输左都係我锺意要你点都得架喎。

我﹕哈，其实你想对我点遮！

kenny﹕到我赢左你咪知啰！

其实我当时真係几好奇如果佢赢左会想对我做咩，但当我一上场之后，就好似上左身咁，完全以打赢佢为最终任务。虽然佢唔俾我用上旋波，但因为我已经有左上一局热身，加上捉住佢反手拍唔稳呢个弱点，最后再赢六比零。

呢盘结束之后，我哋并排坐喺度休息。

我﹕无嘢讲啦係咪！

kenny﹕估唔到我地实力仲係差咁远…（佢睇落去坚颓）